امت جوگی کا کانگریس کے جنرل سکریٹری دگ وجے سنگھ پر شدید حملہ

'دگ وجے جب بھی منہ کھولتے ہیں تو کانگریس کے 10 لاکھ ووٹ کٹ جاتے ہیں
چھتیس گڑھ، ۳؍جون: (بی این ایس) چھتیس گڑھ کے سابق وزیر اعلی اجیت جوگی کے ممبر اسمبلی بیٹے امت جوگی نے کانگریس جنرل سکریٹری دگ وجے سنگھ پر شدید حملہ کرتے ہوئے جمعہ کو کہا کہ جب بھی وہ اپنا منہ کھولتے ہیں، ٹویٹ کرتے ہیں تو کانگریس کے 10 لاکھ ووٹ کم ہو جاتے ہیں۔ جوگی نے چھتیس گڑھ میں کانگریس چھوڑ کر نئی پارٹی کے قیام  اور اجیت جوگی کے فیصلے پر دگ وجے سنگھ کے تبصرہ  جوابی حملہ کرتے ہوئے کہا کہ جہاں جہاں دگی بادشاہ کے قدم پڑے ہیں، وہاں وہاں کانگریس کا



صفایا ہوا ہے۔ اتر پردیش، آسام، آندھرا، تلنگانہ، بہار اور مدھیہ پردیش اس کی مثال ہے۔ انہوںنے کہا کہ اپنے مالک کے نقش قدم پر چل کر ان دونوں شاگرد پردیش کانگریس صدر بھوپیش بگھیل اور اپوزیشن لیڈر ٹی ایس سهدے باقی ریاستوں کی طرح چھتیس گڑھ میں بھی کانگریس کا صفایا کریں گے۔ انہوں نے کہا کہ راہل جی پہلے کانگریس کو 'دگ وجے سے پاک کریں، اس کے بعد ہی ان کا اور کانگریس کے سنورنے کا کچھ امکان ہو سکتا ہے۔ انہوں نے کہا کہ ان کے والد نے خود کو چھتیس گڑھ کے عوام کی خدمت کرنے کے لئے دہلی اور راگھوگڑھ کے خود ساختہ لیڈروں کے شکنجے سے آزاد کر ایا ہے۔